Re chillkatun zugu mülelayai yafültukual tati pu wünen anünche ñi zugu taiñ chillkatuwe mew. Ka müleay ta küme konpayal pu weke chillkatufe ñi wünen anünchegen, We Txipantu ka Zomo Wünen Anünche ñi Antü, kom püle wirintukun ñi peal pu che mülelu FCFM mew, fillke kimeltun wünen anünche mew, ka kom ta zugu kellual fillke antü ñi kimelgeal pu wünen anünche ñi zugu FCFM mew. Ta ti pu küzawkelu Püzümün ka Amulzugulün mew  kellualu ta txipayal kom  tüfachi pu zugu, fillke antü ñi müleam pu wünen anünche ñi zugu FCFM mew.

Pu chillkatukelu Uchile mew ka chi pu karukatulelu chillkatuwe ruka mew,  ka pepi konai itxofill feypipeelchi küzaw mew. Fey küñewaiñ taiñ zoy kimnierpual pu wünen anünche mew.

Taiñ Püzümün ka Amulzugulün, azkunulgeigu ñi tukulpayal tati pu wünen anünche ñi rakizuam ka kimün, fey taiñ ramtukawküleal chumgechi aztukunekeiñ kuyfitun ka rupakelchi zugu taiñ mapu mew.

Tañi txemal ñi kimün mew taiñ pu chillkatufe, feypikeiñ ñi zuamfalgen ñi kimelgeal pu wünen anünche ñi zugu, fey tañi welu kimeltuwal pu anünche egün, kizu ka kimün ka rakizuam gelu.