Fillke txipantu mew, konkei FCFM pu chillkatufe kakeumechi tuwüngelu, fentxenke tüfa feypikeigün ñi “wünen anünche” gen. Kelluam ñi zoy müleal fey tüfachi chillkatufe füta chillkatuwe mew, ta pu we chillkatufe müley ñi rekülüwal kake zoy azümgelu chi chillkatufe mew, femgechi ñi küme amulnieal ñi chillkatun egün. Fey mew nentuiñ tüfachi “Wünen Anünche ñi afkazigeal zugu”.
Küla txipantu yenieigün FCFM mew ta pu wünen anünche afkaziniel chilkatulelu, fey ta zulligeigün afkazineal tati pu we kompal wünen anünche ñi küme amolam ka yeniam ñi chillkatun egün. Txawükeaigün ka nütxamkawaigün femgechi zoy küme kimuwaigün.
Pu Afkazikelu konpañniekefi pu weke chillkatufe ñi küme txipayam chem zügu mew ñi rupañmayafel egün wünenke txipantu chillkatuwe ruka mew. Ka ayügei ñi küme yewal pu afkaziwen ka ñi kimeltuwal fillke zugu mew egün. Femgechi may küme wimaygün pu weke chillkatufe chillkatuwe ruka mew, ka rofülgeai pu wünen anümke che ñi kimün.
